Red Lions sasagupa sa Chiefs sa NCAA opener

MANILA, Philippines — Sisimulan ng San Be­da Red Lions ang asam na ‘four-peat’ sa pagharap kontra sa host Arellano Chiefs, habang magtatagpo ang Lyce­um Pirates at Letran Knights sa pagbubukas ng Season 95 NCAA men’s basketball tourna­ment sa Mall of Asia Are­na sa Pasay Ci­ty.

Haharapin ng ‘three-peat’ champions na Red Lions ang Chiefs nga­yong alas-4 ng hapon ma­tapos ang pagtatagpo ng Season 94 runner-up na Pirates at Knights sa alas-2.

Inaasahan din ang ma­init na rendisyon ni Fi­lipino rock icon Bamboo at ang NCAA battle of the bands winner na Cherry Band ng Mapua sa ope­ning ceremonies sa alas-12 ng tanghali.

Kahit wala na ang mga top scorers na sina Ro­bert Bolick at Javee Mocon ay nananatili pa ring ‘team-to-beat’ ang Red Lions.

Ito ay dahil magla­laro pa rin para sa San Beda ang dalawang Ca­meroonian imports na si­­na 6-foot-5 Donald Tan­­koua at 6’3 Arnaud Noah.

Bukod sa dalawa, tiyak din ang suporta mu­la sa Fil-Canadian na si James Kwekuteye kasama sina Clint Doliguez, CJ Oftana, Prince Estrata, Frans Jonathan Abuda, Damie Cuntapay at Pedro Alfaro III.

“The team to beat is San Beda. It’s still San Beda because they are the defending champions,” sabi ni Perpe­tual Help head coach Frankie Lim na sinang-ayunan din nina coaches Cholo Martin ng Arella­no, Oli­ver Bunyi ng Emilio Aguinaldo College, Louie Gonzalez ng College of St. Benilde at Randy Alcantara ng Mapua.

Hindi naman mala­yo ang Pirates dahil mala­lim pa rin ang kanilang bench kahit wala na sina dating MVP CJ Perez at MJ Ayaay, ayon naman sa bagong head coach ng Letran na si Bonnie Tan.

Nananatili pa rin sa Lyceum ang Marcelino twins na sina Jaycee at Jayvee.