Lakers kinuha si Vogel bilang coach

EL SEGUNDO, Ca­li­fornia — Opisyal nang inihayag ng Los Angeles Lakers ang paghirang kay Frank Vogel bi­lang bago nilang head coach, dalawang araw matapos magkasundo ang dalawang panig.

Magkakaroon ang La­kers ng introductory press conference para kay Vogel sa Mayo 20 sa kanilang pasilidad.

Inihayag ng Los An­geles ang pagpirma ni Vogel sa isang three-year contract.

“I am very excited for this opportunity to join the Lakers, a presti­gious organization that I have long admired,” sa­bi ni Vogel sa kanyang statement. “I look forward to coaching such phe­nomenal talent and bringing my strategic vision to the team.”

Bumiyahe si Vogel sa Los Angeles noong Mayo 9 at nakipagki­ta sa isang grupo na ki­nabibilangan nina team owner Jeanie Buss, ge­neral manager Rob Pe­linka at adviser Kurt Ram­bis.

Bumagsak ang naunang negosasyon ng tro­pa kay Tyronn Lue.

Hindi nag-coach ang 45-anyos na si Vogel sa nakaraang season matapos gabayan ang Orlando Magic sa loob ng dalawang taon.

Bago hawakan ang Magic ay inihatid ni Vogel ang Indiana Pacers sa Eastern Conference Finals noong 2013 at 2014.

Mayroong siyang career record na 304-291.

Pinalitan ni Vogel si Luke Walton, sinibak matapos ang tatlong sea­sons sa Lakers.