^

PM Sports

Paalam at Ladon nakatiyak ng bronze medal

Mae Balbuena-Villena - Pang-masa
Paalam at Ladon nakatiyak ng bronze medal
JAKARTA -- Isang matulis na right hand ang na­ilusot ni Pinoy pride Carlo Paalam sa panga ni Termitas Zhussupov ng Kazakhstan papasok sa semifinals.
Joey Mendoza

JAKARTA — Matapos ang ilang masakit na kabiguan ng ilang Pinoy boxers, may dalawa nang nakapasok sa semifinals para hindi mabokya ang 8-man Philippine boxing team dito sa 18th Asian Games sa kompetisyong ginaganap sa Jakarta In­ter­national Expo.

Sina Carlo Paalam at Rogen Ladon ay nakasiguro ng bronze medals ma­tapos makalusot sa ka­ni-kanilang quarterfinal matches.

Nagtala si Paalam ng 4-1 panalo laban kay Ter­mitas Zhussupov ng Ka­zakhstan sa men’s 46-49kg light flyweight, habang kinailangang paghirapan ng Olympian na si Ladon ang 3-1 split decision win kontra kay Azat Mahmetov ng Kazakhs­tan kamakalawa ng gabi.

Susunod na kalaban ng 24-gulang na si Ladon ang Thailander na si Yuttapong Tongdee, habang delikado si Paalam dahil ang hometown bet ng host Indonesia na si Amit ang kanyang kala­ban.

Gagawin bukas ang mga laban nina Ladon at Paalam.

Tinalo naman ni Eumir Felix Mar­cial si Jinjae Kim, 5-0, ng Korea pa­ra tumiyak ng tanso sa men’s 75kgs.

Samantala, naging kon­trobersiyal naman ang pag­katalo ni Nesthy Petecio, habang pinatulog ng kalaban si Mario Fernandez at bigo rin sa kanilang first round matches sina James Palicte, Joel Bacho at Irish Magno.

ASIAN GAMES

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with