Simula na ang aksiyon sa PRISAA sa Bohol

TAGBILARAN, BOHOL, Philippines — Matapos ang magarbo at makulay na opening ceremonies, uumpisahan na ang mainit na labanan sa 2018 National PRISAA Athletics competition tampok ang 16 golds sa athle-tics kasabay ang ibang sports na lalaruin sa 17 ve-nues tampok ang Carlos P. Garcia Sports Complex na pinakasentro ng weeklong competition.

Si Philippine Sports Commission (PSC) Commissioner Ramon Fernandez ang panauhing pandangal na sinamahan nina Governor Edgar Chatto at PRISAA president at dating Commissioner Fr. Vic Uy.

May kabuuang 6,330 atleta na galing sa mahigit 600 private colleges and universities ng 17 regions ang kalahok sa torneo na may temang “Sports: Trans-cending Barriers Through Unity and Camaraderie” na sinuportahan ng PSC sa pamumuno ni Chairman William Ramirez at ng Local Government Units.

Dahil sa hectic na schedule, sa closing ceremonies na makakadalo si Ramirez.

Ang mga gintong paglalabanan sa Day 1 sa athletics ay javelin (girls, boys, men and women), 3,000m (girls and women), long jump (girls, boys, men and women), 100m hurdles (girls and women), 110m hurdles (boys and men), at 3000m steeplechase (boys and men). Kabuuang 34 gold naman ang nakataya sa swimming.

Naglaan ang PRISAA ng P10 million at P4 million mula sa Philippine Sports Commission bilang financial assistance para masiguro ang tagumpay ng taunang paligsahan na itinatag noong 1953 para bigyan ang mga atleta mula sa private colleges and universities nationwide ng pagkakataong ipakita ang kanilang natatanging angking galing.

Sa unang pagkakataon sa kasaysayan ng PRISAA, gagamit ang weightlifting ng modern electronic sco-ring device na binili ni PRISAA national executive director at Weightlifting Association of the Philippines vice president Atilano sa Japan noong nakaraang Asian Junior Weightlifting Championship.

“I expect many young potential athletes will shine and preserve the good name of PRISAA as traditional breeding ground of national athletes past, present and future,” wika ni Atilano.