Accel-PBA Press Corps Player of the Week
MANILA, Philippines - Kumamada si guard Jericho Cruz ng 11 sa kanyang 19 points sa fourth quarter para tulungan ang nagdedepensang Rain or Shine sa come-from-behind 118-112 win laban sa Barangay Ginebra noong nakaraang Biyernes sa 2017 PBA Commissioner’s Cup.
Solido ang naging suporta ni Cruz, ang 2016 Most Improved Player, para sa balik-import na si Duke Crews sa second half para tapusin ang two-game losing skid ng Elasto Painters.
Ang kabayanihan ni Cruz ang nagbigay sa kanya ng Accel-PBA Press Corps Player of the Week award.
Tinapos ng six-footer na off guard ang laro na may 5 rebounds, 3 steals at 2 assists para sa Rain or Shine.
Inungusan ni Cruz para sa nasabing weekly citation sina San Miguel guard Alex Cabagnot at forward Arwind Santos, Star combo guard Paul Lee, Globalport playmaker Stanley Pringle at Jayson Castro ng TNT Katropa.
Sa bitbit na 5-4 record, pinalakas ng Elasto Painters ang kanilang tsansang makasama sa eight-team quarterfinals cast. (RC)
- Latest
