Pagpag-jet lag muna si Pacquiao
LOS ANGELES – Hindi na naman nakapag-ensayo si Manny Pacquiao sa gym – ito ay hindi bunga ng pamumulikat o sipon kungdi dahil siya ay pagod lamang at may jet lag.
Wala namang dapat ikabahala ang mga fans ni Pacquiao, sabi ng kanyang ring adviser na si Mike Koncz.
“He worked very hard in the Philippines and I think Manny’s there,” wika ni Koncz matapos piliin ni Pacquiao na manatili sa kanyang tahanan noong Lunes ng hapon imbes na dumiretso sa Wild Card Gym para mag-ensayo.
“We’re ready to fight,” paniniyak ni Koncz.
Halos dalawang linggo na lamang bago labanan ni Pacquiao si Jessie Vargas sa Thomas & Mack Center sa Las Vegas at sinabi ni Koncz na gusto nilang makatiyak na hindi sosobra sa pagsasanay si ‘Pacman’.
Tumakbo si Pacquiao sa kabundukan ng Griffith Park noong Lunes ng umaga bago umulan.
Posibleng napasobra ang tulog ni Pacquiao hanggang hapon dahil sa ka-paguran at jet lag.
Sa halos dalawang buwan niyang pagsasanay sa Manila ay naging abala din ang 37-anyos na si Pacquiao sa kanyang trabaho sa Senado at dalawang beses na hindi nakapag-ensayo matapos magkaroon ng sipon.
Walang bundok na tatakbuhan si Pacquiao sa Manila kaya nakuntento siyang magpapawis sa loob ng Forbes Park tuwing umaga.
Huli niyang inakyat ang Griffith Park nang paghandaan ang laban niya kay Timothy Bradley noong April.
Inaasahang idadaing ni Pacquiao ang pananakit ng kanyang binti sa nakatakdang sparring ngayon.
“This training camp had a lot of hurdles and obstacles. I know because I was with him every day,” sabi ni Koncz. “To get up every morning and jog and go to the senate the whole day and go to training, that cycle is wearing him out.”
Super human lamang ang makakagawa nito.
“But sometimes mental fatigue is worse than physical fatigue. He has worked hard,” wika ni Koncz.
- Latest
