Sa taas ng mga bilihin, paano nagtitipid ang pamilyang Pinoy?
* Maaga kaming gumigising para lang pumila sa NFA rice. Yung limang kilo ay tinitipid pa namin. Tinapay na lang sana ang kakainin namin kaso, nagtaas na rin tapos lumiit pa. – Silvia, Malate
* Mabuti na lang may tanim kaming gulay, hindi na namin kailangang bumili sa palengke na ginto ang presyo. Masustansiya pa para sa buong pamilya.– Gigay, Cavite
* Hindi na kami nagso-softdrinks. Mabuti nga para matigil na ang mga katakawan ng mga anak ko pati sa pagkain sa mga fast food. – Josie, Makati
* Hindi ko sinasanay sa luho ang pamilya ko. Kaya ngayon mas doble pa ang pagtitipid namin. Hindi na kami sumasakay ng tricycle. Lakad na lang good exercise pa. Nagpaputol na kami ng cable at Internet hindi pa sakit sa ulo ang mga bayarin. Tutal naman may Wifi ang kapitbahay.– Sonia, Cubao
* Naka-budget lahat ng gastos namin. Biruin mo ang 1 thousand ngayon saglit na lang gastusin. Lahat pinag-iisipan naming mabuti. Nag-iingat din kami na huwag magkasakit para iwas sa mas malaking gastos. Healthy food na ang kinakain namin. Iwas na kami sa karne na sobrang taas ng presyo. Isang putahe na lang kami ngayon dati dalawa.– Levi, Marikina
- Latest
