Sintomas ng Panic Attack

Ang panic attack ay isang biglaang extreme anxiety na maaaring malakas na takot mula sa isang bagay, phobia, stressful na sitwasyon, o malungkot na pangyayari.

Dumarating sa punto na mataas ang intensity sa loob ng sampung minuto o mas mababa pa; bago tuluyang mawala.

Maraming nararamdaman tulad ng mabilis o sobrang paghinga at hyperventilation; bumibilis ang tibok ng puso; sumasakit o ninikip ang dibdib; nanginginig; na­ngangatog ang kamay at paa; pinagpapawisan, at natatakot mamatay. Ang lahat ng nabanggit na sintomas ng panic attack ay madalas na napapagkamalang atake sa puso.

Ang heart attack at pananakit ng dibdib ay tumindi nang ilang minuto; na ang sakit ay kumakalat sa ibang bahagi ng katawan. Samantalang ang sakit dulot ng panic attack ay karaniwang sa isang bahagi lang  ng katawan. Kung may history ng sakit sa puso at nararanasan ang mga sintomas ay magpatingin agad hanggang ang doktor mismo ang magsabi kung ito ay dahil sa heart attack.