Nagmamahal sa isang pari
Dear Vanezza,
Isa po akong nurse sa isang private hospital. May naging pasyente po ako na lalaki na naoperahan ng cyst sa kanyang likod. Naging malapit kami at bago siya lumabas ng ospital. Paglabas niya ng ospital ay niyaya niya akong mag-date. Ipinagtapat niya sa akin na may feelings din siya sa akin, kaso magpapari na pala siya. Ngayon ay naguguluhan siya kung itutuloy niya ang pagpasok sa kumbento. Humihingi siya ng panahon para mahintay ko siya saka kami magpapakasal. Mahal ko na rin siya pero ayaw ko naman masira ang kanyang pangarap na maging pari. Ano po ang gagawin ko? - Lovely
Dear Lovely,
Tama na kailangan niyang mag-isip muna bago magdesisyon na alukin ka ng kasal. Magiging unfair sa iyo kung sa bandang huli ay iiwan ka rin niya para tuparin ang kanyang pangarap. Sa tingin ko, wala kang magiging kasalanan kapag nagdesisyon siyang talikuran ang kanyang pagpa-pari dahil calling din naman ang magkaroon ng isang maganda at maayos na pamilya. Nawa’y mahintay mo siya at magkaroon kayo ng magandang relasyon sa hinaharap.
Sumasainyo,
Vanezza
- Latest