Kylie, ‘di agad nakabalik sa trabaho dahil sa pagpapasuso sa mga anak

May post din si Kylie Padilla na nagbi-breastfeed siya sa isa sa mga anak nila ni Aljur Abrenica kaugnay sa breastfeeding month.

Nabanggit nito na isa sa mga rason kung bakit hindi siya agad nakabalik sa trabaho ay dahil sa kagustuhang i-breastfeed ang mga anak directly. Ayaw niya nagpa-pump siya.

“For me, the intimacy and connection I built with my kids through breastfee­ding was so hard to give up kahit sobrang hirap to be available anytime and all the time. I had no control over my body but the eye contact, the skin to skin and the slowly watching my kids fall asleep and feeling their heartbeat slowly is the closest physical feeling of love I’ve ever experienced. Now when I look back on it I’m happy I did it. Both boys I was able to breastfeed for over a year. It’s still one of my favorite parts of motherhood. Would do it all over again in a heartbeat.”

Five years old na ang panganay nina Kylie at Aljur at isang simple birthday celebration ang ibinigay ni Kylie kay Alas. Binati rin ni Aljur ang anak at kahit daw hindi sila magkasama, alam niyang naging makahulugan ang birthday ng anak.

Samantala, malapit nang magtapos ang Bolera ng GMA 7 na pinagbibidahan ni Kylie. Sunod siyang mapapanood sa pelikulang Unravel na kinunan sa Switzerland.

Kapareha niya rito si Gerald Anderson at produced ng Mavx Productions. Inc.

MIM, may sequel agad?!

Sinagot ni Ruffa Gutierrez ang nag-comment ng “Sino manunuod ng pelikula tungkol sa isang pamilyang magnanakaw?” at ang sagot ni Ruffa, “21 million on the first day honey!” Hindi na uli sumagot ang nag-comment nang sagutin ni Ruffa.

Maganda kung ang box-office gross na lang ng Maid in Malacañang ang isasagot sa mga patuloy na nagmamaasim kung bakit pinayagang ipalabas ang nasabing pelikula. May nabasa pa nga kami na nag-suggest na idemanda ang buong involved sa movie mula sa producers, cast, director at staff nito.

Anyway, patuloy na pinapanood ang MiM at patuloy na kumikita at sa four days showing, umabot na sa P100M ang box-office gross.

Dahil pala sa box office success ng MiM, parang mapapadali ang sequel nitong Martyr o Murder o MoM na tungkol sa assassination ni Ninoy Aquino.

Tom, kinontra ang mga nega

Mahinahon na sinagot ni Tom Rodriguez ang mga not so pleasant comment sa post niya sa TikTok at Instagram tungkol sa piliing maging positive ang araw mo. Positive ang post ni Tom, pero may mga nag-react negatively at kinorek sila ni Tom.

Sa nag-comment na walang lalake o babae na hindi nagkakamali at dapat marunong magpatawad at makalimot maliban kung madalas gawin. Pinayuhan din si Tom na mag-move on.

Ang sagot ni Tom sa nag-comment, “While I appreciate the support, let’s refrain na lang po mam from shaming others in this platform. Already so much of that going around in the world... let’s cultivate positive vibes.”

Sa nag-comment naman at sagot sa sumuporta kay Tom at sinabing “Don’t insinuate that it’s the woman’s fault and fragility to hold on to the relationship and don’t give up. Blame the machismo of the man instead. That’s victim bla­ming. Pathetic,” may sagot din sa kanya si Tom.

Marami ang nagtanggol kay Tom at nakiusap sa commenter na be kind to Tom dahil hindi madali ang journey to healing. In fairness, mataray ang sagot ni Tom lalo na ang part na linisin ng commenter ang sariling kuwarto.