Dati sa triathlon, Jennylyn nababaliw naman ngayon sa aquathlon!

No wonder, kaya pala super sexy na ngayon si Jennylyn Mercado sa mga eksena niya sa Second Chances, lalo na iyong beach scene nila nina Raymart Santiago at Rafael Rosel, aquathlon naman kasi ang pinagkakaabalahan niya ngayon. Hindi siya nag-attend ng wedding nina Patrick at Nika Garcia at last Sunday ay absent din siya sa Sunday All Stars dahil may competition siya sa aquathlon. Nahilig na nang husto si Jennylyn sa sports dahil every now and then, sumasali rin siya sa competition sa triathlon.

Pero siyempre, number one pa rin sa kanya ang acting dahil lalo pang gumaganda at pinag-uusapan ang drama series nilang Second Chances. Sa istorya puwede bang makuhang muli ni Bernard (Raymart) ang custody ni Billy (Joshen Bernardo) na sa kanya lumaki kahit hindi niya tunay na anak? Sa direksyon ni Laurice Guillen, napapanood ito gabi-gabi pagkatapos ng Once Upon a Kiss.

Paulo sina Rachel at Joanna naman ang isusunod

Pinalitan na pala ni Paulo Avelino si Tom Rodriguez sa role ni Tony Javier sa musical film na Larawan. Katambal ni Paulo sina Rachel Alejandro at Joanna Ampil at produced ito nina Ms. Celeste Legaspi at Girlie Rodis. Sa direksyon ni Loy Arcenas, at music naman ni Maestro Ryan Cayabyab.

Loveless, work na raw lamang ang pinagkakaabalahan ngayon ni Paulo, na bukod sa Larawan, very busy din siya sa taping ng teleserye nilang Bridges of Love for ABS-CBN. Ayon na rin kay Paulo, freelancer na siya ngayon sa paggawa ng movies dahil tapos na ang contract niya sa Regal Entertainment.

Sarah suportado si Mark sa concert

Tiyak na masaya ang fans nina Mark Bautista at Sarah Geronimo dahil ang Popstar Diva ang special guest ng una sa Here Sings Love, ang first concert niya pagkagaling London kung saan gumanap siyang Ferdinand Marcos sa musical na Here Lies Love. Sa Newport Theatre ng Resorts World Manila gaganapin ang concert sa May 29 with Freddie Santos as the director at si Louie Ocampo ang musical director. 

May mga surprise guest sa concert. Maganda siguro kung mabubuo ang champions sa concert. Baka nakabalik na sa bansa si Rachelle Ann Go after ng Miss Saigon sa May 9 at narito naman sina Erik Santos at Christian Bautista. Matagal na kasi silang hindi nagkakasama-sama sa mga concerts here and abroad. Bumalik na rin si Mark sa Sunday All Stars.