Caloy swak sa 2 Finals
MANILA, Philippines — Swak si Olympic Games at Asian Games double-gold medalist Carlos Yulo sa finals ng men’s floor exercise at vault events ng 2026 FIG Artistic Gymnastics World Championships kahapon sa Rotterdam, Netherlands.
Umiskor ang 2024 Paris Olympics double-gold winner ng 14.500 sa floor exercise para pumuwesto sa No. 2 spot at 14.266 points sa vault para sa No. 6 place patungo sa finals.
Tinapos ni Yulo, wagi rin ng gold sa vault at floor exercise sa nakaraang 20th Asian Games sa Aichi-Nagoya, Japan, ang anim na rotation sa isang all-around total na 77.631 points.
Nagtala siya ng 14.166 points sa parallel bars, 10.766 sa horizontal bar, 11.166 sa pommel horse at 13.033 sa still rings.
Bigo ang kanyang 18-anyos na utol na si Karl Eldrew Yulo na makasampa sa finals ng anumang apparatus, habang tumapos si Juancho Miguel Besana sa No. 23 sa horizontal bar sa kanyang 12.733 points.
Samantala, papagitna si Haylee Garcia sa women’s individual all-around qualification na magsisimula ngayong alas-6:40 ng gabi.
- Latest
