Diouf, Means bagong naturalized players ng Gilas

MANILA, Philippines — May ipaparadang dalawang naturalized players ang Gilas Pilipinas Men’s at Women’s teams sa mga international competitions.

Nakumpleto na kasi ni­na Malick Diouf at Elizabeth Means ang naturali­za­tion process matapos ma­ipasa ang Republic Act Nos. 12318 at 12319 sa Kongreso na isinumite kay  Pangulong Bongbong Marcos, Jr.

Hindi ito pinirmahan o tinutulan ng Presidente sa isang 30-day period.

Ang Senegal-born na si Diouf, naglaro sa University of the Philippines Fighting Maroons sa UAAP, ang ma­giging naturalized pla­yer option ng Gilas Pilipinas kasama sina Justin Brownlee at Ange Kouame.

Nasa proseso pa ang na­turalization ni San Miguel import Bennie Boatwright.

Ang US-born namang si Means ang magiging unang naturalized player ng Gilas Pilipinas Women.

Sina Vanessa de Jesus at Stefanie Berberabe ay iki­nukunsiderang “natura­lized” sa ilalim ng FIBA rules dahil sa hawak nilang Philippine passport.

Si Fil-Am Jordan Clarkson ng New York Knicks ay mayroon ding Philippine passport.

Inaasahang maglalaro si Means sa pagsabak ng Gilas Women 3x3 team sa 2026 FIBA 3x3 World Cup sa Hunyo.