Paalam Sander
MANILA, Philippines — Sa edad na 40-anyos ay nilisan ni national para chess athlete Sander Severino ang mundo.
Pumanaw si Severino noong Sabado ng gabi sa kanyang tahanan sa Silay, Negros Occidental.
Nagmula si Severino sa matagumpay na kampanya ng Team Philippines sa nakaraang 13th ASEAN Para Games sa Thailand.
Kumolekta siya ng limang gold medals mula sa individual at team standard, individual at team rapid at sa team blitz events.
Isa ring five-time gold medalist si Severino sa Asian Para Games matapos manalo ng apat noong 2018 sa Jakarta at isa sa 2022 Hangzhou edition.
Nakatakda sana siyang parangalan ng Philippine Sportswriters Association (PSA) sa annual awards night sa Pebrero 16 sa Diamond Hotel.
Ngunit hindi na siya makakapunta.
Sa edad na 8-anyos ay binigyan lamang siya ng hanggang 20 taon para mabuhay dahil sa kanyang amyotrophic lateral sclerosis (ALS) matapos ang isang bicycle accident.
- Latest
