Iran kakasa sa FIVB Worlds
MANILA, Philippines — Pamumunuan ni Asia’s Best Opposite spiker Amin Esmaeilnezhad ang Iran team na makakasama ng Alas Pilipinas sa Pool A ng 2025 FIVB Men’s World Volleyball Championship na hahataw sa SM Mall of Asia Arena.
Unang makakalaban ng Alas Pilipinas ang Tunisia sa opening day ng world championship sa alas-6 ng gabi sa September 12 habang titipanin ng Pinoy spikers ang Iran sa September 18 sa alas-6 din ng gabi.
Si Esmaeilnezhad ang pinakabeterano sa team Iran na may average age na 23.8 years at average height na 6-foot-5.
Ang Iran ang second-highest world-ranked Asian team na nasa No. 13 sa likod ng Japan (No. 5).
Kasama rin sa Iran si former Asian Volleyball Confederation Best Setter Javad Karimi at Italian coach Roberto Piazzacalling.
Galing ang Iran sa training camp sa Morocco, Romania at Portugal bilang paghahanda sa world championships.
Nakatakda pang sumalang ang three-time defending Asian Games champions sa isang linggong training camp sa Doha, Qatar bago tumulak pa-Maynila.
Makakalaban ng Iran sa Qatar camp ang mga teams ng Egypt at Qatar.
Kasama rin sa lineup ng Iran sina opposite spiker Ali Hajipour at outside hitters Morteza Sharifi, Amirhossein Esfandiar at Ali Haghparast gayjndin sina Setters Ali Ramazani at Arshia Behnezhad, outside hitters Poriya Hossein Khanzadeh, Ehsan Daneshdoust at middle blockers Mohammad Valizadeh, Eisa Naseri, Yousef Kazemi, Nima Bateni, liberos Arman Salehi at Mohammadreza Hazratpouralso.
Pagdating sa Maynila, sasalang sa friendlies ang Iran laban sa Slovenia sa September 9 at Germany sa September 10.
- Latest
