Celtics nakadalawa sa Pacers
BOSTON, Philippines — Ipinoste ng Celtics ang 2-0 lead sa Eastern Conference finals matapos gibain ang Indiana Pacers, 126-110, sa Game Two.
Nagsumite si Jaylen Brown ng playoff career high na 40 points para sa ikalawang sunod na panalo ng Boston sa kanilang best-of-seven title series ng Indiana.
Tumipa sina Jayson Tatum at Derrick White ng tig-23 points at kumolekta si Jrue Holiday ng 15 points at 10 assists.
““Y’all see what I see. Great player. Great leader. But wants to win. And takes thinks into his own hands,” ani Holiday kay Brown.
Binanderahan ni Pascal Siakam ang Indiana sa kanyang 28 points.
Hindi natapos ni point guard Tyrese Haliburton ang laro matapos magkaroon ng left hamstring injury sa third period.
Nagtala siya ng 10 points at 8 assists.
“We need Ty, but ‘next man’ mentality,” sabi ni Siakam kay Haliburton. “We’ve got to play together. This team got where we’re at by playing together. ... It’s on us to continue.”
Matapos kunin ng Pacers ang 27-22 abante sa huling 1:14 minuto ng first period ay humataw naman ang Celtics para agawin ang 61-52 bentahe sa pagbubukas ng third quarter.
Sa likod ni Siakam ay nakalapit ang Indiana sa two-point deficit sa final canto.
Ngunit bumanat ang Boston ng 16 sa huling 21 points ng laro para isara ang laro.
Dadalhin ang Games Three at Four bukas at sa Martes sa balwarte ng Pacers.
- Latest
