Junior Tigresses pinahigpit ang kapit sa tuktok sa PNVF U-18 Championship

MANILA, Philippines — Rumatsada ang University of Santo Tomas sa ikaapat na dikit na panalo mula sa 19-25, 25-17, 25-13 pagwalis sa Gracel Christian College sa 2024 Philippine National Volleyball Federation (PNVF) Under-18 Championship kahapon sa Rizal Memorial Coliseum sa Manila.

Napanatili ng Junior Tigresses ang pagkapit sa top spot sa Pool A ng women’s division btibit ang 4-0 record.

Nauna nang tinalo ng UST ang Montessori School, 25-16, 25-23, Limitless Sports Center, 25-8, 25-9, at La Salle-Zobel, 25-16, 25-20.

Samantala, hinataw ng De La Salle-Zobel ang 25-22, 25-15 tagumpay sa Limitless Sports Center para sa kanilang 1-3 baraha sa torneong inorganisa ni PNVF president Ramon “Tats” Suzara.

Bagsak ang Limitless Sports Center sa 0-4.

Sa Pool B, pinadapa ng Colegio de Los Baños ang Parañaque to 19-25, 25-13, 25-12, para sa kanilang 1-2 kartada.

Sa boys’ category, dinomina ng De La Salle Lipa ang Batangas Christian School, 25-22, 25-17, para sa 3-0 marka, habang dinaig ng Angatleta Sports (Orion Bataan) ang Golden Whiskers Club, 25-16 25-19, para sa 3-0 karta sa Pool A.

Sinapawan ng Undefeated Umingan-NHS ang VNS Volleyball Club, 25-20, 24-26, 25-19, para sa 3-0 record sa Pool