De Los Santos kakapit sa no. 1 world ranking
MANILA, Philippines — Ngayong hawak na ni Orencio James De Los Santos ang No. 1 spot sa world rankings, desido itong manatili sa kanyang puwesto hanggang sa abot ng kanyang makakaya.
Nakalikom ng kabuuang 8,950 puntos si De Los Santos para hablutin ang unang puwesto laban kay dating No. 1 Eduardo Garcia ng Portugal na may 8,575 points.
“After seven months of competing in so many tournaments on a weekly basis, the hard work has paid off. It is now official. I am the No. 1 in the eKata World Ranking,” wika ni De Los Santos.
Inaasahang madaragdagan pa ang puntos ni De Los Santos dahil inaabangan pa nito ang resulta ng isa pang online tournament na nilahukan nito — ang Golden League Karate eTournament.
“The journey isn’t over. My new goal is to maintain the No. 1 spot throughout the year. This is a much bigger challenge as there will be other eKata players who want the No. 1 spot as well. But this will keep me grinding,” ani De Los Santos.
Naipormalisa ni De Los Santos ang pagkopo sa unang puwesto sa world rankings matapos makaginto sa Okinawa E-Tournament World Series, 1st Euro Grand Prix E-Tournament 2020 at sa 2nd E-Karate Games 2020. (Chris Co)
- Latest
