Didal nakadawat og laing pasidungog
CEBU, Philippines — Nakadawat na sab og laing pasidungog ang Sugboanang skateboard sensation nga si Margielyn Didal.
Kini human siya maapil sa listahan sa "30 under 30" sa Forbes Asia ning tuiga.
Segun sa Forbes Asia, ang maong listahan naglangkob sa 300 ka mga batan-on sa tibuok kalibotan nga dunay dakong impluwensiya ug dunay talagsaong nahimo sa tagsa-tagsa nila ka mga karera.
Ang 20-anyos nga si Didal, usa sa upat lamang ka mga Pinoy nga nakabira og gold medal niadtong 2018 Asian Games, usa sa mga entertainment ug sports personalities nga nalakip sa prestihiyusong listahan.
Gumikan kini sa pagbutang niya sa Pilipinas sa mapa sa skateboarding.
"At the most recent Asian Games in 2018, Margielyn Didal helped win one of four gold medals for the Philippines by winning the women's street skateboarding event," sumala pa sa Forbes Asia.
- Latest