Roger Mayweather mipanaw
CEBU, Philippines — Si Roger Mayweather, ang two-time world champion nga nahimong trainer ug uyoan sa walay pildeng si Floyd Mayweather Jr., mipanaw na ngadto sa laing kalibotan sa edad nga 58.
Gikasubo og maayo ni Floyd Jr. ang pagtaliawan sa paborito niyang uyoan nga iyang gihulagway nga usa sa labing importante nga tawo sa iyang kinabuhi gawas ug sud sa ring.
"My uncle was one of the most important people in my life inside and outside of the ring," matud pa ni Floyd Mayweather, kansang abilidad sa boksing gibaid sa iyang uyoan sa tibuok bahin sa mabulukon niyang karera.
Si Roger Mayweather nahimong world champion sa super featherweight ug super lightweight division. Nakatali siya og 59 ka daog sud sa 20 ka tuig nga pamuksing diin iyang nakasangka ang pipila sa labing banggiitan nga mga boksidor sa kasaysayan sama nilang Julio Cesar Chavez ug Pernell Whitaker.
- Latest
