Laing Pinoy moaway og world title
CEBU, Philippines – Suwayan ni Pinoy contender Giemel Magramo nga madugang sa lista sa mga kasamtangang Pinoy world champion sa iyang pakigsangka ni Junto Nakatani alang sa WBO flyweight title sa Abril 4 didto sa Japan.
Si Magramo, usa sa mga init nga Pinoy world title prospect karon diin nagbitbit kini og rekord nga 24-0, 21KOs.
Ang mga Pinoy boxing analysts dako og pagsalig ni Magramo nga modaog ug mailog niini ang bakus ni Nakatani, kinsa wala pa'y pilde sa 20 ka away diin 15 sa iyang mga biktima pulos gipakamang.
Gusto ni Magramo nga modaog sa Japan aron mabawi ang kapildihan ni Nonito Donaire Jr. niadtong Nobiyembre nga maoy katapusang world title shot nga gipahigayon sa maong nasud. Ang Japanese fighter nga si Naoya Inoue maoy midaog batok ni Donaire.
- Latest
