Amit sulod na sa K.O. stage

CEBU, Philippines – Miabante sa knockout stage  sa  Women's World 9-ball  Championship si Rubilen Amit pinaagi sa  dominante nga kadaogan batok ni Ewa Bak sa Poland, 7-1 niadtong miaging gabii didto sa Sanya, China.

Sunod kontrahon ni Amit ang pambato sa China nga si Fan Langtong. 

Ang Cebuana billiard star nga si Amit determinado nga makabalik sa finals sa 9-Ball World Championship nga katapusan niyang nakab-ot niadtong tuig 2007.

Gawas ni Amit, nagmalampuson usab ang susama niyang SEA Games gold medalist nga si Chezka Centeno, kinsa miabante sa round of 32.

Human mapilde   ngadto ni Kristina Tkach sa Russia sa preliminary, si Centeno nakakuha og laing kahigayonan sa losers bracket ug wala niya kini usiki ug gipilde niya si Lee Woo Jin sa South Korea alang sa luna sa KO stage.

Sunod harungon ni Centeno ang taga-Taiwan nga si Wang Wan Ling.

Misalmot sab sa maong torneyo ang duha ka Cebuana nga sila si Iris Ranola ug Floriza Andal, apan pareho silang nangataktak sa group stage.