Catmon hari cluster VI sa GUV Cup

CEBU, Philippines — Gipahamtangan og laing kapildihan sa Catmon ang Sogod aron dominahon ang cluster VI sa 2019 Governor Gwen Garcia Unity Volleyball (GUV) Cup niadtong weekend.

Ang Catmon ug San Francisco sa Camotes island  mitikang sa crossover semis nga maoy topseeds sa tagsa-tagsa nila ka mga bracket human miposte og  3-0 records sa eliminasyon.

Sa Final 4, yanong gilampaso sa Catmon ang Poro, 25-7, 25-10, samtang ang Sogod miabante sa cluster final human nakaipsot sa SanFran sa kulbahinam nilang engkuwentro, 25-20, 24-26, 25-18.

Sa kampiyonato, ang Catmon wala mipakita bisan og gamay nga kaluoy sa ilang paglampaso sa Sogod, 25-6, 25-8.