Gilas dunay tune-up games
CEBU, Philippines — Serye sa mga tune-up games ang gihan-ay ni Gilas Pilipinas coach Tim Cone aron molambo ang ilang abilidad alang sa misyon nila pagdepensa sa ilang trono isip hari sa basketbol sa Southeast Asian Games.
Unang sangkaon sa Gilas mao ang Alab Pilipinas ubos ni coach Jimmy Alapag.
Seguradong siyento porsiyento ang ipakita sa Alab ilabi na nga mosugod na sab sila sa ilang kampanya sa sunod season sa ABL.
Lahi sa Gilas, ang Alab mogamit og tulo ka imports sa pagpangulo ni Renaldo Balkman.
Si Cone miingon nga dili sayon ang pagdaog batok sa kanhi ABL champion ug ikalipay niya kon modaog sila bisan usa sa duha ka tune-up matches sa Nobiyembre 4 ug 11. Gawas sa Alab, sangkaon sab sa Gilas ang Chinese Taipei national squad sa Nobiyembre 18.
- Latest
