Almazan gibuhian sa Rain or Shine Elasto
CEBU, Philippines – Hingpit na nga nagbuwag og dalan ang Rain or Shine Elasto Painters ug All-Star point guard nga si Raymund Almazan nga gi-trade ngadto sa Meralco Bolts kagahapon.
Si Almazan, kinsa dugay na nga gidungog nga mohawa sa Painters tungod sa problema niini sa coaching staff, gibuhian sa Rain or Shine bugti sa duha ka draft picks gikan sa Meralco.
Wala pa giaprobahan ni PBA Commissioner Willie Marcial ang trade, apan segurado ang matag kampo nga mahitabo kini ilabi na nga pulos nagkasinabot ang Meralco ug Rain or Shine.
Si Almazan nakuha sa Painters niadtong tuig sa 2013 PBA Rookie Draft ug misidlak iyang karera dihang si coach Yeng Guiao pa ang gadala sa Painters.
Sa iyang unom ka tuig sa Rain or Shine, si Almazan nahimong usa sa mga premyadong bigman sa PBA nga miresulta sa pagkakuha kaniya sa Gilas Pilipinas.
- Latest
