Chris Tiu miretiro sa PBA
CEBU, Philippines – Gi-anunsiyo ni veteran point guard sa Rain or Shine Elasto Painters ug Gilas Pilipinas nga si Chris Tiu nga hingpit na niyang biyaan ang PBA pipila ka adlaw sa dili pa buksan ang bag-ong season sa liga.
Sa iyang post sa social media, ang six-year veteran nagkanayon nga dugay na niya nga giplano ang pagretiro, apan karon lang siya nangusug nga mahitabo kini. Gawas sa PBA, si Tiu usa usab ka TV personality ug negosyante.
"My heartfelt gratitude to every person who has been part of my basketball journey!! Most especially to our Lord who makes all things possible," matud pa ni Tiu sa iyang twitter account. "It's now time to move on. My heart is full. #17 signing off.."
Si Tiu usa sa mga kasaligan nga guwardiya sa Painters sukad nga misulod siya sa liga niadtong tuig 2012. Nahimo siyang All-rookie team ug All-Star 3-point champion. Daku usab iyang natampo sa kampiyonato sa Painters niadtong tuig 2016.
Aduna pay ikabuga si Tiu og timaan niini iyang 30 puntos nga performance sa miaging PBA Governors Cup, apan hugot na iyang hukom nga mopahuway na sa basketbol.
- Latest
