13th University Run sikad ugma

CEBU, Philippines – Kapin sa 2,000 ka mga runners ang  managan  sa  13th  edition University Run sa Cebu Doctors' University ugma sa buntag nga manukad ug matapos didto sa tugkaran sa maong tunghaan nga nahimutang sa Dr. P.V. Larrazabal    Jr. Avenue, North  Reclamation sa Dakbayan sa Mandaue.

Ang tinuig  nga lumba  gipahinungod   ni  anhing Dr. Potenciano Larrazabal Jr., ang kanhi presidente sa CDU. Ang lumba usa ka charity event diin ang matigom nga salapi gamiton sa medical missions ug feeding programs sa Run for Sight Foundation.

Mga kategoriya nga tigian naglakip sa 3K, 5K ug 10K.

Aduna usab managlahing dibisyon alang sa mga tinun-an, CDU alumni, employee ug sa mga elite athletes nga mosalmot.