Thai fighter naduplika ang record ni Mayweather
NAKHON RATCHASIMA, Thailand -- Ipinoste ni Thai boxer Wanheng Menayothin ang kanyang ika-50 sunod na panalo matapos talunin si Panamanian challenger Leroy Estrada via fifth round stoppage.
Patuloy na isinuot ni Wanheng ang kanyang WBC minimumweight belt at naduplika ang undefeated record ni American boxing great Floyd Mayweather, Jr.
“I’m happy that I can make the same record as him (Mayweather),” sabi ng 32-anyos na Thai fighter na tinawag na ‘dwarf giant’.
Isang upper cut ang naikonekta ni Wanheng sa baba ni Estrada kung saan hindi na nakabangon ang Panamanian.
Sa opening rounds ay napaputok ni Estrada ang kaliwang mata ni Wanheng mula sa kanyang mga right straight.
Ngunit hindi natakot ang veteran Thai at dalawang beses pinabagsak si Estrada sa round three at isa sa fourth round.
May pagkakataon si Wanheng na basagin ang record ng 40-anyos na si Mayweather.
Kung muling mananalo ay mapapantayan ni Wanheng ang 51-0-1 win-loss-draw ring record ni retired Mexican flyweight Ricardo Lopez.
“The world is going to get to know him much better, and great opportunities will open for him,” ani WBC chief Mauricio Sulaiman.
- Latest
