Pardo Builders nakigsawo sa liderato sa Power Forty President’s Cup
CEBU, Philippines - Ang Pardo Builders miugkat sa ikatulo nilang sunod-sunod nga daog dihang ilang gidemolis ang Water Market, 102-88 sa Power Forty Basketball League 2016 President’s Cup niadtong Martes didto sa Inayawan Sports Complex.
Sa maong kadaugan, ang Pardo Builders ni El Presidente Lando Almojallas nakig-uban na sa HLY ni Atty. Flor Yosores sa unang dapit sa standing sa managsamang 4-1 win-loss records.
Si Boboy Rosito maoy misalida og maayo aron pangulohan ang Pardo Builders nga miiskor og 26 puntos, samtang ang Water Market ni Vez Eleguin gipangulohan sab ni Mike Veloso sa iyang 24 puntos.
Sa laing aksiyon, si Robert Abasolo mikulit og 20 puntos aron mangulo sa A.M.B.L. nga miparot sa Rongast 72-62.
Miamot sab og 10 puntos matag usa silang None Sabandeja, Alex Ocariza ug Alan Gaviola alang sa A.M.B.L. ni Alan Lim nga aduna na karo’y 2-2 nga baraha.
Gipangulohan sab ni Danny Dayota ang Rongast pinaagi sa iyang 15 puntos
Ang Rongast nilang Ronel Carbonilla ug Gastner Sanchez wala pa’y daog sa lima nila ka duwa.
Puntos matag usa
Unang duwa:
A.M.B.L. (72) – Abasolo 20, Sabandeja 10, Ocariza 10, Gaviola 10, C. Gaviola 6, E. Navares 6, Ybiernas 6, T. Navares 4.
RONGAST (62) – Dayota 15, Sanchez 12, Carbonilla 10, Ozon 10, Marturillas 10, Cabatas 5.
Ikaduhang duwa:
PARDO BUILDERS (102) – Rosito 26, Navares 18, Cabrera 16, Solatorio 15, Dayondon 13, Villaner 6, Espinosa 2.
WATER MARKET (88) – Veloso 24, Cañete 22, Chiong 18, Cabaluna 15, Eleguin 5, Sandal 4. (BANAT NEWS)
- Latest
