AC Troopers milubong sa MS Motosuit
CEBU, Philippines – Ang tang-an nga AC Troopers milubong sa MS Motosuit, 70-50 alang sa ikatulo nilang daog sa second conference sa LABA President’s Cup 2015 basketball tournament niadtong Biyernes didto sa Banilad Sports Center, dakbayan sa Mandaue.
Ang AC Troopers nga maoy nikontrolar sa duwa gipangulohan ni Opong Englis, kinsa miburak og 16 puntos, samtang ang team owner nga si SPO4 Dondon Coloscos mipabuto’g 12 puntos alang sa iyang koponan nga nagbitbit na karon og 3-1 nga baraha. Sila si Joel Cabahug ug Jerry Jacalan mitampo’g 11 puntos matag usa.
Ang MS Motosuit ni Lou Ornopia gipangulohan sab ni Wilfredo Medillo sa iyang 14 puntos, gisundan ni Ramil Estremos nga adunay 12 puntos.
Sa laing duwa, nidaog na gyud ang Luigi-Sebandal sud sa lima nila ka duwa pinaagi sa pagpilde sa Lolypop-Rostata, 74-67.
Grabe kaayong nakaduwa si Eman Pacquiao diin mipupo siya’g 20 puntos aron pangulohan ang Luigi-Sebandal.
Ang Lolypop-Rostata gipangulohan ni Rene Monsanto sa iyang 16 puntos, samtang si Glen Rostata miamot og 12 puntos.
Puntos Matag Usa
Unang duwa:
AC TROOPERS (70) – Englis 16, Coloscos 12, Cabahug 12, Jacalan 10, Migallen 6, Dakay 6, Beldera 4, Cornejo 2, Yares 2.
MS MOTOSUIT (50) – Medillo 14, Estremos 12, Mauro 8, Ornopia 7, Mendoza 4, Mingane 3, Arreglo 2.
Ikaduhang duwa:
LUIGI-SEBANDAL (74) – Pacquiao 20, Orendain 14, Gabayan 10, Rogado 10, Sebandal 8, Buliag 4, Incorporado 4, Mahilum 4, Ubas 1.
LOLYPOP-ROSTATA (67) – Monsanto 16, Rostata 12, Dawal 9, Ocier 8, Jacalan 7, Renzen 7, Catinoy 5, Enriquez 2, Lavador 1. (BANAT NEWS)
- Latest
