Garnett suspendido ng 1-laro; Howard pinagmulta naman
EAST RUTHERFORD, New Jersey--Napatawan si Kevin Garnett ng one game suspension nang walang bayad matapos ang paghe-headbutt kay Dwight Howard na namultahan lamang nang hindi gumanti ng suntok.
Pinagbayad si Howard ng $15,000 ng liga na napatunayang itinulak lamang nito sa leeg si Garnett matapos ang headbutt sa kanya.
Sinabi ni NBA President of Basketball Operations Rod Thorn na si Garnett ang nagsimula ng gulo sa 113-99 panalo ng Houston Rocket laban sa Brooklyn Nets noong Lunes.
Hindi makakalaro si Garnett sa pagharap ng Nets laban sa Memphis Grizzlies sa Miyerkules.
Nangyari ang komprontasyon nina Howard at Garnett sa 7:53 minuto sa first quarter matapos matawagan ng foul si Garnett kontra kay Howard.
Nagtulakan ang dalawa bago ihagis ni Garnett ang bola sa likod ni Howard. Nang magharap sila ay ibinunggo ni Garnett ang kanyang ulo malapit sa bibig ni Howard.
Gumanti naman si Howard at itinulak sa leeg si Garnett. Napatalsik sa laro si Garnett at nabigyan naman si Howard ng isang technical foul.
Ikinagalit ni Hollins ang hindi pagpapatalsik kay Howard na pinaniniwalaan niyang sumuntok kay Garnett.
Dahil sa suspension without pay ay hindi matatanggap ni Garnett ang halos $109,000 sa kanyang $12 million salary.
- Latest
