Kimwa mikompleto sa ilang 7-game sweep
CEBU, Philippines – Milampos ang Kimwa squad pag-sweep sa elimination round sa Power Dealer Basketball Club (PDBC) Christmas League 2014 niadtong Miyerkules diha sa Kimwa gym sa Brgy. Subangdaku, Mandaue City.
Ang Kimwa nga adunay 7-0 win-loss record, gipangulohan ni Michael Baring, kinsa misansan og 15 puntos, samtang sila si Dwight Villarante ug Mardy Soco mitimbre’g 13 ug 12 puntos matag usa alang sa Kimwa nga maoy nidominar sa kinatibuk-ang duwa.
Nakasikit unta ang Gold Muscle Gym, 42-44 sa sayong bahin sa third period, human sa lay-up ni Jandy Paradiang, apan wala mamunga ang ilang mga paningkamot. Bugtong si Paradiang lang ang miiskor og double figures alang sa Gold Muscle Gym pinaagi sa iyang 12 puntos.
Sa pasiunang duwa, ang Toyota miarangkada sa third period aron modaog sa Unilink Shipping, 62-57.
Ang managsuong Christian ug Matthew Parker parehong miiskor og double figures aron pangulohan ang Toyota. Si Christian mikambiyada og 25 puntos, samtang si Matthew miinggansa og 10 puntos alang sa ilang 3-1 nga baraha, samtang ang Unilink Shipping (3-3) gipangulohan sab ni Abasolo pinaagi sa iyang 16 puntos.
Sa laing bahin, ang MSE midaog pinaagi sa ‘default’ batok sa Flying-V. Ang mga duwa gidumala ni PDBC founder Arnold De Asis
Puntos Matag Usa
Unang duwa:
Toyota (62) – C. Parker 25, M. Parker 10, Diaz 8, Cuanan 6, Miole 6, Molde 4, Lepiten 2.
Unilink (57) – Abasolo 16, Arong 9, Cabiluna 9, Cuyos 8, Gomez 4, Bandico 4, Apas 2, Kuan 2, Mancio 2, Pepico 1.
Ikaduhang duwa:
Kimwa (69) – Baring 15, Villarante 13, M. Soco 12, W. Soco 9, Gahi 9, Badano 5, Miao 4, Tabura 2.
Gold Muscle Gym (66) – Paradiang 12, Alba 8, Sauro 7, Gabato 7, Togono 6, Avenido 6, Santome 4, J. Español 4, Espina 4, Castro 4, Margallo 2. (BANAT NEWS)
- Latest
