BEST SBP Passerelle National Finals banatan na karon
CEBU, Philippines - Magbangga na ang mga kampiyon gikan sa National Capital Region, Luzon, Visayas ug Mindanao sa National Finals sa BEST SBP Passerelle tournament nga sugdan karong adlawa didto sa Magis Eagles Arena sa Sacred Heart School-Ateneo de Cebu.
Ang torneyo bidahan sa mga banggiitang under-15 (Passerelle) ug under-12 (SBP) players nga magsangka sa duha ka adlaw nga torneyo nga gisuportahan sa Milo.
“It’s everybody’s ball game because every team is competitive. Nakikita ko talaga ngayun na lahat nang team ay malalakas,” matud pa ni Nic Jorge, ang founder ug president sa BEST (Basketball Efficiency and Scientific Training) atol sa press conference kagahapon didto sa Sarrosa International Hotel and Residential Suites.
Mag-ilog sa titulo sa SBP division mao ang Xavier School sa NCR, Berkeley School sa Luzon, Ateneo de Iloilo ug Bukidnon Faith Christian School, Inc. sa Mindanao.
Sa Passerelle mao ang defending champion Chiang Kai Shek College sa NCR, Holy Child College sa Davao, Holy Angel University sa Luzon ug University of the Visayas (UV).
Ang torneyo mosunod sa single round robin format sa elimination. Ang top two teams moabante sa finals, samtang ang No. 3 ug No. 4 mag-ilog sa third place trophy.
- Latest
