City Hoops League SUGDAN karon

CEBU, Philippines - Dose ka koponan ang mag-ilog sa titulo sa City Hoops League nga buksan karon didto sa Visayas Glass Gym sa Brgy. Guadalupe, ning siyudad.

Mga koponan nga magtigi mao ang Velez PT Alumni, SHS-J Alumni Fairview Village Talisay, Team Pura, Extra Rice, Boss John, Dax Navs, United Ballers Club, JoeMangs, Lightning Ballers, Dropouts, Team Natz, D&L ug Compañeros.

Sa opener sa triple-header, ang Lightning Ballers moharong sa SHS-J  Alumni sa alas-6 sa gabii, sundan sa sangka  tali  sa  Dax Navs ug United Ballers Club ug ang katapusan mao ang duwa tali sa  Velez PT Alumni  ug Team Pura.

Ang mokampiyon sa torneyo mobulsa’g  P8,000, samtang adunay  individual awards nga ipanghatag human sa torneyo. (BANAT NEWS)