Mier modepensa sa Asean Cup Title

CEBU, Philippines - Sugbuanong siklista nga si John Rene Mier gitakdang modepensa sa iyang men’s open title sa final leg sa 2014 Asean Mountainbike Cup ugma didto sa Kota Kinabalo sa Malaysia.

Si Mier, kinsa maoy midaog sa first leg title niadtong Hunyo 14 didto sa dakbayan sa Danao miingon nga ang iyang tahas pagdepensa sa titulo dili sayon tungod kay ang race course lisud ug dangog.

Mipasalig hinuon si Mier nga iyang buhaton ang tanan alang sa mga Sugbuanon, ingon man sa iyang mga sponsors nga misuporta sa iyang kampanya sa mountainbiking  nga naglakip sa RDAK pinaagi sa managsuong Regan ug Rere King, Rudy Project, May Tan ug Noy Jopson.