Color Manila Nite Run GITAKDA karong Sabado
CEBU, Philippines - Andam na ang tanan alang sa labing unang Color Manila Nite Run karong Sabado sa gabii diha sa South Road Properties (SRP) grounds.
Gitataw sa mga organizers nga ang kalihukan gimugna alang sa paglingaw-lingaw.
Bisan pa niini, masaligon ang mga organizers nga pinaagi sa ilang lumba, maagni ang kadaghanan sa mga non-runners nga mosugod og usa ka active ug healthy lifestyle pinaagi sa running.
Ang lumba nga gibahin sa 3K, 5K ug 10K, usa ka non-competitive run apan makadawat gihapon og specially-designed medals ang tanang finishers sa lumba.
"We want to encourage non-runners to start running and be active. This (running event) is for fun wherein you don't need to worry about your time and what is at stake after the race. We just want them (the participants) to have fun," matud pa ni Justine Kayne Corder sa Color Manila atol sa press conference kagahapon didto sa Quest Hotel.
Ang Manila edition sa lumba mihakot og 5,000 runners ug ang mga organizers naglaum nga mosuporta usab kanila ang mga Cebuano runners. Adunay party ug fireworks display human sa lumba.
Ang Cebu City government mopadagan sa ilang buses nga maoy mohakot sa mga partisipante diha sa SRP entrance sa barangay Mambaling ug sa Cebu City Hall.
Ang registration fee nagkantidad og P700 sa tanang kategoriya libre na ang singlet, glow sticks ug glow glasses. Adunay online registrations sa http://www.colormanilanite.com/. Sa dugang mga pangutana, mahimong motawag sa numero 09178359211. (BANAT NEWS)
- Latest
