Servania modepensa na's iyang WBO regional title

PASIG CITY, Philippines –  Ipakita na  Genesis 'Azukal' Servania  nga   hinog na siya  ug unsa na ka andam alang sa world title shot dihang

modepensa siya sa iyang WBO Intercontinental super bantamweight title batok ni  former two-division champion Alexander 'El Explosivo'

Muñoz sa Venezuela sa main event sa "Pinoy Pride XXIV:  The Future is Now" fight card karong gabii didto sa Solaire Resort and Casino.

 "Grabe akong preparasyon ani nga away. Nag-train pa ko sa US ug Mexico ug di ko gusto nga mausik akong paningkamot,"

matud pa ni Servania.

 "Andam na ko sa world title shot ug mao na ako gusto ipakita sa tibuok kalibotan."

 Si Servania (23-0, 9KOs)  mitimbang  og  121  lbs.  labaw og usa ka libra ni Muñoz atol sa official weigh-in kagahapon didto sa

activity center sa Robinsons' Galleria.

 "Niingon siya nga iya ko  tumbahon, mao usab na akong buhaton niya, pero di ko kasulti unsa  nga round. Kun makakita ko og

tsansa ako gyud kuhaon," sumala pa ni Servania.

 Sa iyang bahin, si ALA Promotions President and CEO Michael Aldeguer nagkanayon nga ang away maoy motubag sa

pangutana kun andam na ba si Servania nga mahimong top fighter sa 122 lbs. division.

 "He is No. 3 in the WBO right now and no doubt the chance for him (Servania) to fight for a world title is there but there is no

rushing him," matud pa ni  Aldeguer. "He is in a tough division and the path of his career depends on how he does tomorrow  (tonight)."

 Sa supporting main event, ang unbeaten super bantamweight prospect nga si 'Prince' Albert Pagara (18-0, 12KOs) makigsangka

ni Isack Junior (22-4, 8KOs) sa Indonesia.

 "Ingon si Sir (Tony Aldeguer) nga   regional title na ang sunod nako nga away mao na nga ako gyud paningkamoton nga nindot

ako kadaugan ugma (karon),"  segun pa sa 20-anyos nga si Pagara.

 Sa lain pang mga away, si WBO International super flyweight champion 'King' Arthur Villanueva (24-0, 14KOs) makigsinukliay

og kumo  sa last-minute replacement  Fernando 'Enano' Aguilar (9-6, 1KO) sa Mexico sa ilang 10 round non-title match.

 Duha ka undefeated boxers nga sila si Mark 'Magnifico' Magsayo (4-0, 3KOs) ug Melvin 'Top Gun' Gumban (15-0, 7KOs)

makigsangka batok nilang  Roy-Roy Sumugat (9-9, 5 KOs) ug Dino Lelis (10-11, 5KOs). (BANAT NEWS)