Mayweather gipasidan-an

Gipasidan-an ni Argentinean champion Marcos Maidana si Floyd Mayweather nga minusan ang daku kaayong salig niini sa iyang kaugalingon.

 Si Maidana nagkanayon nga bisan pa og undefeated, aduna na siyay nakitang buslot sa istilo ni Mayweather nga maoy rasun sa iyang unyang kadaugan batok sa pound-for-pound king.

Pinoy pilde sa UFC debut

 Pakyas ang Filipino Mixed Martial Arts (MMA) fighter nga si Dave Galera sa paghatag og dungog sa nasud human siya napilde sa iyang debut fight sa Ultimate Fighting Championship (UFC) didto sa Singapore. Si Galera gipilde pinaagi sa decision ni Singaporean grappler Royston Wee.

Ildefonso batok Fajardo

Human sa impresibo niyang duwa uban sa bag-o niyang koponan nga Meralco Bolts, si PBA veteran Danny Ildefonso mopokus karon sa iyang atensyon sa ila unyang duwa ni Petron Blaze Boosters center Junemar Fajardo.

 Si Ildefonso maoy giisip ni Fajardo nga daku og natabang ug natudlo kaniya dihang nag-uban pa sila sa Petron.

Rodman, ex-NBA duwa sa Korea

Manuwa didto sa komunistang nasud nga North Korea si Hall-of-Famer Dennis Rodman uban ang mga ex-NBA cagers sama nila ni Vin Baker ug Doug Christie sa usa ka diplomacy game.

Si Rodman kapila na nagbalik-balik sa maong nasud diin suod niyang higala ang presidente nga si Kim Jong Un.