North vs. South Skateboard Festival
CEBU, Philippines - Ang Positive Skateboarding sa pakigtambayayong sa G-Concept mapasigarbuhong modalit og North vs. South Skateboard Festival.
Gipaluyohan sa Eyeberry, ang duha ka kalihukan adunay duha ka legs. Ang South leg mosikad ugma didto sa Naga City gymnasium, samtang ang North leg unya sa Disyembre 27 didto sa Lapu-Lapu City auditorium.
Ang registration alang sa Class A ug B entries nagkantidad og P100, samtang ang spectators mobayad og P50.
"I'm really amazed with our local skaters. It's their time to flaunt their talents and prove that Cebuano skateboarders can put on a highly competitive show in this kind of sport," matud pa ni G-Concept big boss Jeson L. Guardo.
Sa iyang bahin, si Philip Jaca sa Positive Skateboarding miingon nga ilang gimugna ang kalihukan sa tuyo nga magkahiusa ang skateboarders gikan sa habagatan ug amihanang bahin sa Sugbu.
Ang G-Concept milampos sa ilang pagpahigayon sa 2nd Tisa Skateboard Competition nga gisalmotan sa dul-an sa 50 ka entrante sa miaging semana didto sa Tisa Sports Complex. (BANAT NEWS)
- Latest
