Cuello napilde sa puntos

CEBU, Philippines - Nahanaw ang damgo ni Filipino challenger Denver Cuello nga mahimong world champion dihang napilde siya pinaagi sa

puntos ngadto ni Xiong Zhaong Zhong sa China sa miaging gabii didto sa World Trade Centre sa Dubai, UAE.

 Sa taho sa boxingscene.com, si Cuello mahimo na untang world champion dihang iyang napatumba sa first

round si Xiong apan nakarekober kini ug  padayong nakigsinukliay aron madepensaan niya ang iyang WBC

minimumweight title.

 Naabtan sa demalas si Cuello sa tunga-tungang bahin sa away human na- injury ang iyang tuong bukton

hinungdan nga   nalimitahan ang iyang  ataki  ngadto ni Xiong.

 Si Cuello nakaangkon usab og gisi sa iyang tuong kilay tungod sa headbutt. Gikuhaan og one point si Xiong,

apan  nakahatag kini og bentaha sa Chinese boxer tungod kay dili na maka-concentrate si Cuello ug mabalda kini tungod

sa padayong agas sa dugo.

 Human sa 12 ka hugna nga binukbukay, duha ka mga hurado ang mihatag og 115-112 ug 113-110 ngadto ni

Xiong, samtang ang ikatulong judge mitabla sa iskor, 113- all.

 Sa maong kadaugan, si Xiong mipalambo sa iyang rekord ngadto sa 21-4, 11KOs, samtang si Cuello

nakahiagum sa ikalima niyang pilde sud sa 44 ka away. (BANAT NEWS)