Hunat Sugbo 3: Dagan Para ni Maning" gitakda sa Hunyo 23 sa Ayala Center-Cebu
CEBU, Philippines - Liboan ka runners ang gipaabot mosalmot sa ikatulong edisyon sa Hunat Sugbo 3: Dagan Para ni Maning" sa Hunyo 23 didto sa The Terraces sa Ayala Center-Cebu.
Gipasiugdahan sa Cebu Parklane International Hotel, ang lumba aduna gihapon kini tulo ka kategoriya -- 21K half marathon, 10K ug 5K fun run.
Ang lumba gipahigayon agi'g paghandom ni anhing Manuel 'Maning' Ting, ang presidente sa Cebu Parklane International Hotel.
Mga ganting salapi, medalya ug sertipiko ang madawat sa top finishers sa matag dibisyon.
Ang kampiyon sa 21K Open makadawat og P6,000, samtang sa 10K ug 5K, ang kampiyon mobulsa og P4,000 ug P3,000 matag usa.
Aduna kini registration fee nga P600 alang sa 21K, P500 sa 10K ug P400 sa 5K, libre na ang singlet, race number ug refreshments.
Niadtong indibidwal nga interesadong mosalmot, mahimong magparehistro didto sa Cebu International Parklane Hotel, Ayala Active Zone ug Runnr sa Ayala Center-Cebu.
- Latest
