^

Banat Palaro

UV Lancers mihatag og tabang sa nayayay nilang mga kaatbang

Emmanuel B. Villaruel - Banat

CEBU, Philippines — Kontra man tuod sila sa korte, apan mga higala sila panahon sa panginahanglan.

Mao kini ang dalaygong gipakita sa reigning four-peat champions University of the Visayas (UV) Green Lancers nga mitabang sa duha ka players gikan sa mga karibal nilang eskuylahan nga nag-atubang og dakong hagit sa ilang panglawas.

Sa miaging upat ka adlaw, gibisita sa Lancers si Cebu Institute of Technology-University (CIT-U) guard Keith Francis Marquez, nga naospital human maangol atol sa 59-53 nga kadaugan sa Wildcats batok sa University of Cebu (UC) Webmasters sa Cebu Schools Athletic Foundation, Inc. (CESAFI) Season 26 niadtong Oktubre 1 sa Cebu Coliseum.

Apan wala didto matapos ang maayong buhat sa Lancers.

Duha ka adlaw ang milabay, laing tabang ang ilang gipaabot ngadto sa player sa Benedicto College (BC) Cheetahs nga si Horrace Morata, nga nagkinahanglan og dakong pinansyal nga tabang alang sa usa ka operasyon aron ayuhon ang nagisi niyang ACL.

Ang lumad sa dakbayan sa Tagbilaran midangop sa social media aron mangayo og tabang alang sa mahalon nga operasyon.

Natandog sa kinasingkasing nga panawagan ni Morata, mitubag ang Lancers.

Sa usa ka simple apan halandumon nga seremonyas sa wala pa magsugod ang ilang duwa niadtong Huwebes sa gabii, Oktubre 8,  ang Lancers mitunol sa P200,000 nilang pinansiyal nga tabang ngadto ni Morata.

“Gusto lang namo ipakita nga mas nindot ang motabang kaysa kita ang tabangan,” matod pa ni Lancers head coach Gary Cortes.

“Dili usab ni namo mabuhat kung wala ang suporta sa mga UV supporters ug sponsors nga pareho namo og panglantaw ug adbokasiya alang sa mga batan-on nga naningkamot nga maabot ang ilang mga pangandoy,” dugang pa ni Cortes, diin ang gipasabot mao ang miabag sa mahinungdanon nilang kawsa nga sila si Mario Bantilan ug Virgie Allones of CM Farm Basketball.

Usa lamang kini ka yano apan makahuloganong lihok nga nagpakita nga bisan pa man og ang kompetisyon nagbahin sa mga team sulod sa korte, ang pagkamanggihatagon maoy makapahiusa kanila gawas sa korte.

Alang sa Lancers, importante ang pagdaog og mga kampiyonato - apan ang pagpakita og maayong buhat sa isi'g ka tawo sa panahon nga labing gikinahanglan usa ka mas dako pa nga kadaugan.

Sa lain bahin, si Den Rick Orgong mi-iskor og 16 puntos uban ang tulo ka rebounds, duha ka assists ug upat ka steals sa dihang ang Cheetahs mipatigbabaw batok sa Lancers, 64-55, sa usa ka sangka tali sa mga lider sa liga  aron tapuson ang unang hugna uban ang labing nindot nga 7-1 rekord.

Sila si Serge Gabines, Kenneth Babalcon ug Jesli Faye de la Cruz midugang og 10 puntos matag usa alang sa Cheetahs, nga wala na molingi pa sukad miposte og sayong 12 puntos nga labaw.

Si two-time Most Valuable Player Kent Ivo Salarda miposte og double-double nga 14 puntos ug 10 ka rebounds uban ang tulo ka assists, samtang si 2024 MVP Raul Gentallan miamot og 12 puntos, upat ka rebounds, tulo ka assists ug usa ka steal apang nakawang lang ilang paningkamot kay ang Lancers natagak sa 6-2 human maputol ang unom ka sagunson nilang daog.

  Sa high school division, ang  UC Junior Webmasters miinat sa ilang baraha ngadto sa 7-1 human nakapisot sila sa Cebu Eastern College (CEC) Dragons, 47-43.

Walay player sa UC nga mikadlit og double figures apan ang balanse nilang ataki igo na kaayo aron sila makasugakod sa 24 puntos nga salida ni Cedric de la Rosa sa CEC. Si King Rosello Navarro midugang og 10 puntos alang sa Dragons, nga nakatilw sa ikatulo nilang pildi sa lima ka duwa.

CESAFI

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with