San Marino Tuna abante na sa semifinals

CEBU, Philippines -  Walay puangod nga gilubong sa San Marino Tuna/CIT-U Wildcats ang Raphael's Café/USJ-R Jaguars, 81-63

aron moabante sa semifinals sa nagkainit nga aksiyon sa Enervon CESAFI Partner's Cup basketball tournament kagahapon

didto sa Cebu Coliseum.

 Nagpauwan dayon og mga puntos ang San Marino Tuna sa pagsugod sa duwa aron makabentaha og daku.

Apan ang Raphael's Café mihimo og  trapping defense sa second quarter hinungdan nga nalaslasan ang labaw sa San

Marino Tuna,   32-39 sa halftime.

 Sa tuyo nga dili mameligro, ang San Marino Tuna mipabuhagay na sab sa ilang opensa aron inaton ang labaw

ngadto sa 13 puntos, 59-46 paghuman sa third quarter.

 Mihulga pag-usab ang Raphael's Café ug ilang gipresyur ang San Marino Tuna, apan wala sila makapugong ni

Christian Taboada, kinsa miabli sa final period pinaagi sa iyang sunod-sunod nga triples aron makabaton og komportabli

nga labaw 17 puntos. Mibingat pa kini ngadto sa  21 puntos sa pipila ka higayon sa  final period.

 Mihimo sab og duha ka triples si Vincent Menguito sa fourth quarter alang sa 80-59 nga bentaha sa San

Marino Tuna, kinsa moharong sa second seeded Gaisano Capital South/UC Webmasters sa semifinal sunod semana.

 Agresibo kaayo ang duwa ni Allan Dimco diin siya ang nangu sa opensa sa San Marino pinaagi sa iyang 18

puntos, samtang ang beteranong si Taboada ug Menguito mikutlo og 15 puntos matag usa ug si Marlo Pono miamot og 11

puntos.

 Si James Regalado miposa og duha ka triples sa final period nga naghatag og gamay'ng paglaum sa Raphael's

Café, apan wala kini makakuha og suporta gikan sa iyang mga kaubanan gawas lang ni Kyle Lajato, kinsa mitampo og pila

lang ka puntos sa fourth quarter.

 Si Regalado maoy highest pointer sa Raphael's Café nga mikutaw og 20 puntos, samtang si Lajato misansan og

15 puntos.

PUNTOS MATAG USA

 San Marino Tuna  (81) - Dimco 18, Taboada 15, Menguito 15, Pono 11, Dela Cerna 7, Taghoy 6, Bucao 5,

Limalima 4, Batiquin 2

 Raphael's Cafe (63) - Regalado 20, Lajato 15, M. Parker 6, Diaz 6,C. Senining 5, Bayhonan 4, R. Senining 3,

C. Parker 2, Zosa 2 (BANAT NEWS)