Bakbakan sa San Remigio

CEBU, Philippines - Manalipod si Cebuano fighter Renan 'Limbas' Noblefranca sa iyang Yaw-Yan Fighting Challenge Championship (YFCC) junior lightweight title batok ni Arnel 'Ronin X'  Ylanan sa Island Grapplers MMA sa main event sa "Bakbakan sa San Remigio" karong Mayo 15 didto sa Artemio Masbate Sports Complex sa San Remigio, Cebu.

Kini ang labing unang pagdepensa ni Noblefranca sa iyang bakus nga iyang naangkon  human siya midaog pinaagi sa "unanimous decision" batok ni Steve 'The Lightning' Sevilleno sa Mindanao niadtong Hulyo sa miaging tuig didto

sa Cebu Coliseum.

Si Noblefranca gilauman nga moatubang og laing lisud nga hagit  kay iyang sangkaon ang mas daku ug taas nga si Ylanan sa lima ka hugna nga kumbati. Si Ylanan bag-o lang nidaog pinaagi sa "split decision" batok ni Johnjier Torbiso sa Universal Reality Combat Champion (URCC)-Cebu niadtong Enero.

Sa supporting main event, magsangka  si undefeated Jordan 'Labuyo’ Balcita sa Yaw-Yan ArDigma-Fervilleon batoksa beteranong si Johnjier 'Durex Danger' Torbiso sa Durex Dragon Kickboxing Club.

Si Ronilo 'Buffalo' Espra sa Arcomjukai Kickboxing Club sa Mandaue makigharong ni Junrey 'Tongboo' Soquite sa Durex Dragon.

Ang maong fight card gipasiugdahan sa Yaw-Yan ArDigma-Cebu uban sa suporta sa kagamhanan sa San Remigio ubos sa liderato ni Mayor Jay Olivar ug International Pharmaceuticals Inc. (IPI). (BANAT NEWS)