Cebu Landmasters nakabawos sa Gaisano Capital

CEBU, Philippines - Naglagiting nga opensa uban ang hugot nga depensa  sa final period ang gihimo sa Cebu Landmasters/USC Warriors aron demolison ang Gaisano Capital South/UC sa iskor, 91-79  sa second round of elimination sa  Enervon CESAFI Partner’s Cup 2013 basketball tournament kagahapon didto sa Cebu Coliseum.

Sayong nanginit ang Cebu Landmasters diin ilang gitapos ang unang kuwarter, 21-15 sa wala pa moposte og 44-34 sa halftime.

Ang Cebu Landmasters uban sa ilang Cameroonian recruit nga si Ahmed Salihou hinay-hinay nga mimakmak sa Gaisano Capital ug ilang namentinar ang double digits nilang labaw.

Si Charles Pepito, kinsa maayong nakadepensa sa Cameroonian nga si  Arnud Noah, maoy nangu sa Cebu Landmasters sa iyang 15 puntos, gisundan ni Garrick Ayala nga adunay 12 puntos. Si Nico Magat mitampo og 11 puntos, samtang sila si Salihou ug  Francis Dave Guardiario midugang og 10 puntos matag usa.

Si Noah maoy nangu sa Gaisano nga mipabuto og 22 puntos, si Jan Michael Auditor  mitampo og 12 puntos, silang Quintao ug Christian Tamparong miabuno og 11 ug 10 puntos matag usa, apan ang wala makahuygo  silang Kido Cabrera ug Michael Smith nga igo lang  mihimo'g dos puntos.

PUNTOS MATAG USA

Cebu LandMasters (91) - Pepito 15, Ayala 12, Magat 11, Salihou 10, Guardiario 10, Que 9, Adlawan 5,

Ortega 3, Ypil 3, Duran 2, Rabat 2

Gaisano Capital (79) - Noah 22, Auditor 12, Quintao 11, Tamparong 10, Asis 7, Ampoon 6, Montilla 4,

Cabrea 2, Smith 2, Alocillo 1, Yburan 1