Prime Asia mi-iskor first round sweep

CEBU, Philippines -  Ang Prime Asia Lending/UV Lancers milubong og hapit katunga sa Raphael's Café, 83-46 aron haruson ang

lima ka duwa sa first round elimination sa Enervon CESAFI Partner's Cup 2013 basketball tournament kagahapon didto sa

Cebu Coliseum.

 Kontrolado sa Prime Asia ang aksiyon gikan sa pagsugod hangtod nahuman.

 Gani ang ilang Cameroonian recruits nga silang Steve Cedrick Akomo ug Mike Harry Nzensseu wala kaayo

gamita. Igo lang gipasulod ang duha sa  first ug third quarters ug ang mga lokal maoy gihago pagpugnit og mga puntos.

 Si Nzensseu mipupo lang og dos puntos, samtang si  Akomo miugbok lang og uno punto.

 Walay usa ka player sa Prime Asia ang miiskor og double figures, apan susama usab kadaku ang nakuha nilang

Chris Perolino ug Alfred Codilla nga adunay nuybe puntos matag usa.

 Gitapos sa Prime Asia ang first round bitbit ang 5-0 nga baraha, samtang ang Raphael's Café adunay 0-5 win-

loss record.

 Hinuon mausab na ang timplada  sa  duwa  sa  Raphael's Café tungod sa pagbalik sa ilang ace pointguard nga

si Rendell Senining ug Fletcher Galvez, kinsa maoy nangu sa CVIRAA-Region 7 pagsakmit og bulawan sa Palarong

Pambansa basketball event.

 Sugdan ang second round karong Martes uban sa Prime Asia nga makigtakus sa Cebu Landmasters/USC

Warriors didto sa San Remigio.

PUNTOS MATAG USA

 Prime Asia (83) - Codilla 9, Perolino 9, Arong 8, Marquez 8, Mendoza 7, Escocio 6, Santillan 6, Octobre 4,

Soliva 3, Nzensseu 2, Fajardo 2, Babia 2, Abad 1, Akomo 1

 Raphael's Cafe (46) - Diaz 11, M. Parker 7, Silay 6, C. Parker 6, C. Sennining 4, R. Senining 3, Bayhonan 3,

Bancale 2, Lajato 2, Villarosa 2 (BANAT NEWS)