Donaire vs. Rigondeaux

 Kulbahinam nga kumbati ang atong masaksihan karong adlawa sa panagsangka sa The Filipino Flash Nonito

Donaire kontra  Cuban boxer Guillermo Rigondeaux didto sa New York.

 Ang duha magsangka alang sa WBO ug WBA super bantamweight titles nga isalida sa HBO.

 Sa weigh-in kagahapon, si Donaire mitimbang og 121.6 pounds, samtang si Rigondeaux mitimbang 121.5 alang

sa maong 122-pound fight.

 Sama sa gihapon, kay Pinoy man ta, adto ko kang Donaire (31-1, 20 KO) nga mao sab paborito sa mga odds

makers itandi kang Rigondeaux (11-0, 8 KO).

 Matud pa sa mga report, ang mananaog sa maong sangka maoy isipong hari sa maong dibisyon karong misaka

sa featherweight si Abner Mares.

 Dili basta-bata si Rigondeaux kay duha ka Olympic gold medals ang nabitbit niini ug walay pilde sud na sa 11

ka professional fights.

 Masaligon ko sa right hook ni Donaire nga iya nang gi-develop og maayo ug ang kakilas niya sa ibabaw sa

ring. Apan ang kuyaw niini, basin mahinobra ang iyang kompiyansa. Sus, wa ra bay sipyat ang taghap, labi na kang

Rigondeaux nga maayo usab nga counter-puncher.

 Maskulado tan-awon si Rigondeaux itandi kang Donaire, apan mas nagtuo ko nga mas "full-pack" ang kumo ni

Donaire ug wala pa sukad makasugat si Guillermo og kapareho ka kusog ni Donaire.

 Makita ra unya ni karong adlawa kung kinsa gyud nila ang mas asintado. Si Donaire mas taas og reach

advantage kontra sa mas mubo niyang kontra. Kinahanglan pa ni Rigondeaux mopaduol kang Donaire aron makaigo og

solido.

 Usa sa ganahan nako ni Rigondeaux ang iyang kaagresibo sa ibabaw sa ring nga pirmeng modasdas sama na

lang sa ilang sangka ni Michael Fareñas sa undercard sa Pacquiao-Marquez IV.

 Apan dunay apan si Rigondeaux kay dunay higayon nga na-groggy siya kang Fareñas sa naghinapos na nga

rounds. Ug sa kusog ni Donaire, posibleng dili na kaabot og 5th round si Rigondeaux.

 Ang ako lang unyang kakuyawan kun makapatugpa og kusog nga kumo si Rigondeaux kun magpasaya-saya si

Donaire.

* * *

 Hayag na kaayo ang kaugmaon sa magsuong Peñalosa nga sila si Dodie Boy ug Dave karong gikatakda sila

nga kuhaon sa kapa sa Top Rank Inc. ni Bob Arum human sa impresibo nilang kadaugan didto sa Macau.

 Seguro mao na kini ang mosunod nga henerasyon sa mga Peñalosa nga mikulit og pangan sa kalibotan sa

boksing.

* * *

 Parehong nanghagit og away ang duha ka mga mananaog nga sila si Milan Melindo ug Mexican nga si Juan

Francisco Estrada, kinsa mipilde kang  Brian Viloria  sa nakalabay'ng semana didto sa Macau.

 Wala ta masayod kun kaya bang patumbahon ni Melindo si Estrada nga pwerte mang lig-ona kontra sa durabli

ug mas eskperiyensyadong si Brian. Hinuon kun itandi si Melindo ug Viloria, mas busy fighter si Melindo basi sa gipakita

niining away niadtong adlawa dihang gi-TKO niya ang Indonesian.

 PAGTULON-AN: Ang maayong lider dili mangasaba sa iyang tawo atubangan sa kadaghanan. Ang maayong

lider mohimo lang niini kun sila rang duha.

[email protected]