LW-IBI kampiyon sa FCABL

CEBU, Philippines -  Gipilde sa Living Word-International Bible Institute (LW-IBI) ang ilang kaatbang Christian Workers Basketball

Association (CWBA),  86-76 aron sakmiton ang 35-above division title sa 3rd Fellowship of Christian Athletes Basketball

League (FCABL) Inter-Church Basketball Tournament niadtong Marso 3 didto sa Sacred Heart School-Ateneo de Cebu

sa Mango Campus gym.

 Sa sayo pa,  ang Living Word Couples milubong sa  CBT Warriors, 70-47 aron mopahiluna sa ikatulong

puwesto.

 Si Al Solis, kanhi PBA star ug  assistant ni coach Elmer 'Boy' Cabahug dihang ang UV Lancers nidaog og

siyam ka sunod-sunod nga titulo sa Cebu Schools Athletic Foundation Inc. (CESAFI) maoy playing coach sa LW-IBI ug

wala na kinahanglana ang iyang  puntos kay giabaga kini nilang ex-CDU Stallion Christian Bacus, Mel Caparros ug

Jonathan Sacabon

nga nagkumboya og 39 puntos.

 Si Bacus maoy  misakmit sa MVP trophy. 

 Ang ex-USJR Jaguar nga si Edward Buhay mao lang ang bugtong nakakuha og double figure alang sa CWBA

nga adunay 15 puntos.

 Sa laing bahin, si Eric Agcaoili maoy topscorer sa LW Couples pinaagi sa iyang 15 puntos, samtang si Michael

Abella mao sab ang nangu sa CBT Warriors nga adunay 19 puntos.

 Ang torneyo gipaluyohan sa Nissi Academy International-Lapulapu City, Psalms Property, Eagles Vantage,

Rent.ph ug sa M. Lhuillier Kwarta Padala.

Puntos Matag Usa

Unang duwa:

 LW Couples (70) - Eric Agcaoili 15, Pastor 12, Pelleno 11, Buot 9, Delos Reyes 8, Caspe 8, Navarrete 6,

Badrina 6

 CBT Warriors (47) - Abella 19, Simborio 7, Camacho 6, Pastor 3, Antonio 3, Limalima 2, Gerona 2

Ikaduhang duwa:

 LW IBI (86) - Sacabon 14, Bacus 13, Caparros 12, Catamco 11, Geuvain 10, Ceniza 8, Solis 6, Morales 6,

Rosales 4, Ortiz 2

 CWBA (76) - Buhay 15, Navarrete 9, Alocillo 6, Cimafranca 6, Piquero 6, Olojan 6, Belono-ac 4, Canoy 4,

Aleonar 4, Calonia 3, Catacutan 2, Crescencio 2 (BANAT NEWS)