DEPP cagers nagpabiling kampiyon

CEBU, Philippines - Nagpabiling kampiyon ang Defense PNP Press Corps (DEPP) human ilang gipilde ang City Hall Association of Reporters and Media (CHARM), 87-81 sa finals sa 2012 Press Freedom Cup kagahapon didto sa Cebu Eastern College (CEC) gym.

Apan gipakulbaan pa ang DEPP kay ang ilang 20 puntos nga labaw nahilis ngadto na lang sa tres puntos, 80-77 sa nahabiling 3:11 sa duwa. Dali hinuon silang nakarekober pinaagi nilang Jojo Satuita ug Edgar Escalante sa ABS-CBN nga maoy naghawan sa ilang dalan sa kadaugan.

Si Escalante maoy topscorer sa iyang 25 puntos, samtang sila si Satuita ug Gabriel Bonjoc parehong miiskor og 23 puntos.

Ang naparot nga CHARM gipangulohan ni Philipp Cerojano, kinsa mirehistro og 25 puntos.

Sa sayo pa, ang Justice Beat maoy miangkon sa ikatulong puwesto pinaagi sa pagpilde sa Sports Correspondents and Reporters (SCORE) sa iskor nga 88-82.

Ang GMA-7 tandem nila ni Godfrey Rellin ug Renante Quiñones maoy mibaswat sa Justice Beat sa ilang 32 ug 22 puntos matag usa, samtang ang   "Tournament Top Scorer" nga si Jonas Panero mipabuto og 48 puntos alang sa SCORE. (BANATNEWS)

PUNTOS MATAG USA

Unang duwa:

Justice Beat (88) - Rellin 32, Quiñones 22, Solon 20, Mayol 8, Pantino 4, Suarez 2

SCORE (82) - Panerio 48, Migallen 18, Maglinte 11, Defensor 6, Ligas 3, Rosal 2

Ikaduhang duwa:

DEPP (87) - Escalante 25, Satuita 23, Bonjoc 23, Belocura 10, Melecio 4, Aragon 2

CHARM (81) - Cerojano 25, Yu 21, Quimod 19, Ligan 8, Castro 4, Cabarlos 4