Smart Gilas milatos sa Uzbekistan

CEBU, Philippines - Giangkon sa Smart Gilas Pilipinas ang ikaduha nilang daog dihang ilang gidemolis ang Uzbekistan, 85-50, sa nagpadayong eliminationa round sa FIBA Asia Cup kagahapon didto sa Tokyo, Japan.

Ang Smart Gilas nagkupot karon og 2-1 win-loss record sa maong torneyo human usab sila midaog batok sa Lebanon niadtong gabii. Napilde ang Smart Gilas sa ilang opening game niadtong Biyernes batok sa China.

Sayung gikontrolar sa Smart Gilas national team ang duwa human sa ilang 23-16 nga labaw sa first period sa paningkamot nila ni naturalized center Marcus Douthit ug reigning PBA finals MVP Jeff Chan.

Misuway og sukol ang Uzbekistan dihang mipauwan og tres sila si Vyacheslav Denisov ug Hasan Rahimov, apan wala kini misalir sa mas bangis nga opensa sa mga Pinoy.

Gitukod sa Smart Gilas ang labing daku nilang labaw sa sayung bahin sa second half, 52-25, nga maoy hingpit nga mikandado sa ilang dominanteng kadaugan.

Si Chan maoy leading scorer sa iyang 20 puntos, samtang si Douthit miiskor og nuybe puntos ug si Fil-American Matt Ganuelas mitigom og otso puntos.

Sunod nga sangkaon karong adlawa sa Smart Gilas mao ang Macau sa ilang duwa nga gitakda sa alas-10:30 sa buntag.